近年舞台劇愈來愈受觀眾歡迎，從未搞過舞台劇的周星馳，
亦決定分一杯羹，將投資過千萬搞舞台藝術，
並請來經驗豐富的張達明做「盲公竹」，助他開拓新市場。最近忙於拍攝電影《長江７號》的周星馳，竟分身有術，
投資過千萬元大搞舞台劇，近期更積極招攬舞台劇高手加入旗下，
其中憑《萬世歌王》人氣勁爆的詹瑞文及「棟篤笑」始祖級人馬張達明均是目標，
可惜，詹瑞文因近期忙於開騷，暫未能合作，
故周星馳先跟張達明合作，而日前張達明亦已動筆簽約。

達明梁家輝棟篤笑

據知，鑑於大型舞台劇劇目較少喜劇題材，故周星馳希望以舞台喜劇為目標，
製作一個大型音樂劇，張達明擔任導演一職，
而周星馳之得力助手魏達深則為創作總監；
另外還有兩個張達明的棟篤笑計劃，其中一個便是由張達明跟梁家輝合作。

記者就此事聯絡張達明，

他說：「我係會同周星馳合作，而家傾緊幾個計劃。

（同周星馳合作會唔會有壓力？）
我之前同佢都合作過《大內密探零零發》啦，點會有壓力？
佢有壓力就真，第一次就咁沙pop咁多錢出搞。

（係咪同梁家輝合作搞棟篤笑？）
係，除佢之外，仲傾緊其他藝人。」

魏達深揚言正斟洽樂壇巨星演出音樂劇，至於棟篤笑，則以著名小說作藍本。

另外，與周星馳無緣合作的詹瑞文，其《萬世歌王》將於下年三月再度登場，
為此他請來Figure王Eric So，為其設計一套四款的限量版figure公仔。

【東方日報專訊】
文：娛樂小組香港Yahoo新聞
09月 25日 星期一 03:00AM