周星馳的名作《食神》，一直籌備拍攝成電視版本，最近終決定於十二月底在上海、陝西開拍，男主角鐵定由林家棟擔綱，「雙刀火雞」經嚴格挑選後，亦落實由蒙嘉慧演出。而周星馳新寵黃聖依則飾演一個新加角色。據電視版《食》劇監製曾謹昌表示：「我會十二月開工，集數大約卅集左右。林家棟個角色會有五個好特別造型，其中一個會係流浪漢，係屬於林家棟未做食神之前造型，因為要由個半鐘頭電影版，拍成三十個鐘頭電視劇，材料要比較豐富，所以我會交代埋食神未發之前，黃聖依個角色就係呢個階段出現。」

膠水敏感費思量
形象斯文的蒙嘉慧，飾演該劇靈魂人物「雙刀火雞」，角色造型方面將會有很大突破，曾謹昌說：「佢造型會比電影版莫文蔚更加醜怪，刀疤、大哨牙呢太小兒科，而家度緊更厲害無敵醜女造型畀佢。（蒙嘉慧會唔會抗拒呢個超級醜女造型？）梗係唔會啦！反而係佢本身皮膚好敏感，唔能夠用膠水化妝，先至係我最頭痛事，但應該會諗到辦法解救。」

2003年11月22日
資料來源http://orientaldaily.com.hk/cgi-bin/nsrch.cgi?seq=356036