曾參演周星馳電影《長江七號》、同星爺飾演父子嘅徐嬌，轉眼已經17歲，今日傍晚時份，佢突然喺微博宣佈，自己罹患縱隔腫瘤，無法參與內地劇集《旋風少女》演出。幸好腫瘤屬良性，可接受手術。

徐嬌表示一個半月前接受體檢，意外診斷出患有良性縱隔腫瘤。因手術時間就同《旋》劇檔期撞咗，故無法參與演出。徐嬌寫道:「約一個半月之前，因一次偶然的體檢，我被診斷為患有良性縱隔腫瘤，需進行手術治療。因手術時間與《旋風少女》的拍攝檔期有衝突，我將無法參演，非常遺憾。不過大家不用擔心，我會很樂觀地面對，積極配合治療，爭取早日康復。」

縱隔腔位於兩側肺臟中間，又可分為前縱隔腔、中縱隔腔同後縱隔腔；「縱隔腔腫瘤」嘅症狀最初並不明顯，可能有胸痛、咳嗽、呼吸困難等，一般發現時通常腫瘤已經長大，壓迫到鄰近器官如氣管、心臟、主要血管等，然後先至逐漸開始出現哮喘、咳血、頸部及上肢水腫等症狀；至於縱隔腔惡性淋巴瘤初期症狀亦都唔明顯，當腫瘤變大，壓迫到縱隔腔血管或支氣管，就會產生水腫、胸悶疼痛、哮喘等，但就較為罕見。

祝你早日康復，加油保重！

蘋果日報 2015/03/06 19:15
http://hk.apple.nextmedia.com/enews/realtime/20150306/53504715

03-10 徐嬌腫瘤手術後報平安 感謝周星馳關心...

09-25 周星馳登《紐約時報》時尚專刊封面...