【東方日報專訊】
莫文蔚（Karen）和周星馳曾傳緋聞，雖已分手多年，但兩人依然保持友好關係，Karen對於星仔最近和洪金寶因拍《功夫》反面，洪金寶自嘲有眼無珠識錯星仔，更謂以後不會再和他合作一事，Karen力撐星仔，說：「我諗只係一場誤會！」喜膺「最受歡迎女歌手」

Karen前晚在「TVB8頻道金曲獎頒獎典禮」上獲得「最受歡迎女歌手」獎，心情大靚，談到星仔和洪金寶反目成仇，Karen說：「我拍星仔戲時，仲係新人，當佢係前輩，而洪金寶就係大家前輩，我覺得同星仔拍戲學到好多，對新演員講絕對係好事。（有冇見過星仔發脾氣？）脾氣每個人都有，因為拍電影好緊張，每一分鐘都係錢，大家都係為件事好。」

記者問是否星仔要求太高令人誤會？Karen說：「佢絕對係要求高即人，可能各人表達方式唔同。（洪金寶話以後帶眼識人？）可能佢有誤會，有啲嘢講清楚冇事。（咁你覺得星仔為人點？）佢拍電影好投入，拍戲需要一份壓力，唔可以求其，希望佢部戲好，自己都好期待。（會唔會致電安慰星仔？）我諗係一場誤會，冇乜嘢，兩個都係大人，可能中間傳達訊息唔清楚，黎出變咗質，唔係太大件事啫。」

資料來源
http://orientaldaily.com.hk/cgi-bin/nsrch.cgi?seq=359488