周星馳常常被拍檔指他沒有人情味、冷血，事實他又未必是這樣差勁。導演陳德森近日忙於為新作《一個人的武林》宣傳，同時亦要為他有份聯絡成立的「香港動作特技員公會福利基金」呼籲圈中人捐錢，福利基金目的是援助一些因為拍動作場面而受傷人士。期間他向星爺募捐，對方二話不說就答應，與外間傳聞他孤寒有出入，陳德森昨接受訪問時表示：「真係好多謝咁多圈中人嘅支持，好似劉德華、郭富城、吳彥祖一班人，佢哋一收到電話轉頭已經俾張支票過嚟。星爺亦都表示話會支持，亦都答應咗捐錢。」

據知，張智霖與靚靚袁詠儀、張晉、謝霆鋒及鄭伊健等，都已經將支票交到福利基金，目前已經籌到接近200萬元。鄭伊健昨日透過助手回覆：「係兄弟嘅，喺呢個圈都應該支持，所有拍過動作片嘅人都會明白。」

武師出身的張晉接受電話訪問時說：「香港動作片成為世界傳奇，好多幕後英雄出咗力係不為人知，捐錢係表示尊重同埋係一份敬意。」

另外，內地有傳星爺新作《美人魚》拍了兩日戲就停了下來，不過星爺方面已經否認。據悉，劇組想找一些有知名度的演員加入。

2014年10月25日
http://hk.apple.nextmedia.com/entertainment/art/20141025/18911408

01-04 《功夫3D》改檔1月15日 周星馳正面P...

08-30 周星馳蟄伏６年　靠路人甲引爆喜感　...