「星爺」周星馳的電影票房以億計，當年胼手胝足捱大星仔及三個女的星媽，
當然可以蹺埋雙手享仔福，但年近六十的她近日卻靜雞雞開舖創業。
今年八月，她與友人投資過百萬在中環威靈頓街開設高級眼鏡專門店。母子情深，星媽說兒子不時會踩單車來撐場，
但她不會找兒子做生招牌，因為她想靠自己的實力做生意。
星媽不愛時裝，不愛珠寶、不愛打麻雀，獨愛眼鏡，
所以她的第一盤生意便是賣眼鏡。

本來她打算在皇后大道中選舖，但一聽聞單是舖租要每月12萬，
精打細算的她立即轉(車太)，改在租金平一半的威靈頓街開舖，
距離乖仔（周星馳）的公司「星輝」不用5分鐘車程。
星媽的眼鏡店「Bowan」雖然只得幾百呎，但陳設舒適優雅，
二樓是寫字樓，星媽每星期有兩、三日會親自落舖，拍檔莫先生則長駐舖頭。

為女兒創業

星媽認為做生意不可以靠人，唔熟唔做，所以決定賣眼鏡。
「o的女本來想開咖啡店，但我反對。不如開眼鏡舖，
做得好咯，o的女將來就唔使再同人打工啦！」

星媽說她廿幾歲就戴眼鏡，大大話話戴過百副眼鏡，
近年星爺搵到錢，她更買下不少心頭好，高峰期一星期買三、四副。

問到今次開舖是否星爺打本，星媽否認︰
「唔使佢畀錢o者！但一定要畀佢知o既！佢好低調，
有時會踩單車經過呢度，附近o的時裝店女sales次次見親我，
都叫我勸o得o下佢，話太危險喎！咁依家佢踩單車經過，
一定會停低睇睇，咪唔會開咁快囉。」

~ 節錄自第545期忽然一周 ~