周星馳早前於內地秘密物色了新一代星女郎，該女郎更極速成為星爺新寵，
先獲安排來港「大變身」，由平凡姑娘變身「索女」，然後再跟星爺飯見面，
所到之處更有多位工作人員陪伴，地位超然，
而首個工作將會是擔任網絡遊戲《挑戰》的遊戲女郎。早前有消息指周星馳物色了新一代星女郎，據悉，該女郎洋名Elina，
乃一名上海姑娘，前日，她更神秘來港玩「變身」，
先到中環多間名店狂買靚衫，然後再「殺」到去銅鑼灣，繼續大掃特掃，
同行一直有工作人員「傍實」，果然一登「星」門，矜貴百倍。

星爺多年來力捧不少靚女新人，每次均例不虛發，昨日下午，
該女郎又再出動，現身中環與周星馳飯，張承勷亦是座上客之一，昨日所見，
Elina經過悉心打扮後，極速「變身」，由平凡姑娘搖身一變成為索爆靚女，
與前日相比可謂判若兩人，人眼前一亮。

飯局後，記者致電張承勷，他承認與周星馳確有合作打算，但暫只屬初步接觸：
「Elina擅長唱歌同跳舞，初步感覺幾好，希望將來大家可以合作一下。」

讚有潛質連串催谷

至於周星馳昨日接受電話訪問，被問到Elina是否繼黃聖依後的力捧對象時，
他謂：「睇下點先啦，（咁你覺得Elina點？）佢幾好，幾有潛質，
（咁佢係咪《功夫》續集女主角？）呢遲先講。」

雖然周星馳三緘其口，但據悉，Elina已獲星輝安排一連串工作，
當中包括擔任網絡遊戲《挑戰》的遊戲女郎，並
將於本月廿一至廿三日到上海，出席中國遊戲博覽會，與傳媒正式見面。

網上唐人街 2005年7月16日