由周星馳監製、徐克執導的《西遊2伏妖篇》將於大年初一(本月28日)上映,今次雖有人氣偶像吳亦凡飾演唐僧,但焦點依然落在星爺身上,尤其他一時亮相在宣傳片,一時拉大隊到果欄「西遊派西柚」,令影迷更加焦急。這天《蘋果動搞作》邀請了星爺、徐克和吳亦凡做訪問,善搞氣氛的星爺更反客為主,亂入扮記者自問自答。

星爺、徐克兩大猛人聯手炮製《西遊2》,電影未上火花先至,兩人接受訪問時已互不相讓尖鋒相對,完全預計得到當日拍攝時有幾多爭拗。問星爺在片場可有技癢自己爭住執導時,徐克搶着答:「梗係有啦大佬呀!其實我係好期待,我睇你點拍!」星爺說:「我每一秒鐘都係有咁既諗法嘅!但係其實每一次我正想咁樣嘅時候,徐導演就已經畀我先一步『你行開啲啦,等我嚟!』最後完全冇機會。」

回復正經的徐克表示,有時星爺想到一些點子,大家都會平心靜氣討論,不過星爺說:「從來大家都冇讓步過喎真係!」就好像吳亦凡演唐僧這角色,兩人都經過一番爭論,徐克說:「當時周生就叫吳總(戲謔吳亦凡)做唐僧,我話不如吳總做孫悟空啦,咁就拉鋸咗一輪。其實我依家都好想知道佢演悟空係點樣。」吳亦凡演悟空至多黐毛,演唐僧卻要剃頭,對於這塊小鮮肉,算是相當大犧牲,但他義無反顧:「我覺得其實很涼快,因為機會很難得,所以不會猶豫。」問吳亦凡假若要安排西遊角色給星爺和徐克,他會怎安排,他說:「我內心中覺得老爺(徐克)比較像唐僧,星爺比較像孫悟空。」星爺打斷了他:「喂你唔好講埋啲咁嘅嘢,我唔想黐咁多毛呀!」

訪問中途,星爺一時興起,竟亂入扮記者舉手發問:「我想問下戴帽嗰位(星爺),你話唔出嚟拍戲,但又起勢拍宣傳片,點解呢?」星爺故作認真的答道:「Err……我對宣傳片嘅興趣大啲嘅,我諗我一步一步啦,做咗宣傳片先,如果反應係OK嘅,就會考慮再進一步去到大螢幕咁樣。」未幾,徐克又陪星爺一齊癲,扮記者問星爺:「周生呀,點解你唔染黑髮,仲係留住白髮呢?」星爺以一貫無厘頭方式回答:「染呀?我有諗過轉髮型嘅。」他左右打量白髮徐克和紅頭吳亦凡,再指着他們說:「一係咁,一係咁囉!」


蘋果日報  記者:黃芷蔚、何永寧 攝影:馮峰、Neo、Matthew
http://hk.apple.nextmedia.com/enews/realtime/2017011/56186010

 

覺得讚想推薦或分享嗎?