陶傑主持的《大陶殺》，請來影壇巨星周星馳作特別嘉賓，大談最新電影力作《西遊記》的製作點滴。節目開始，陶傑讚星爺紅光滿面和年輕了，星爺回應道：「係呀，瘦咗十五、六磅！《西遊記》已經拍完，現在做緊後期製作，要用一年時間，預計2012年上映。」


《西遊記》用了很多特技，更選用了荷里活及韓國等不同國家的特技製作公司，他說：「由《少林足球》開始，我都大量運用特技，唔知點解，唔用特技好似唔安樂！尤其今次呢套《西遊記》如果無特技，有啲嘢未必做到！」拍攝《西遊記》期間，星爺長時間逗留內地，他表示閒時會睇電影，不過返到香港要集中工作，則沒有這麼多的時間。


星爺的多套電影均入選香港有史以來十大最賣座電影，究竟他有甚麼秘訣？星爺笑說：「無咁誇張，我無乜靈感o架！其實都係靠集思廣益，平日諗吓嘢咁啦！」星爺善於發掘新星，問他憑甚麼來選擇？星爺說：「無話專登嘅！係當時見到適合你嘅角色就搵佢囉！」對現時電影業的狀況，星爺說：「好好吖！大陸現在有好多空間，有咁大個市場畀你做創作，前景都樂觀！」
 

成報
http://www.singpao.com/NewsArticle.aspx?NewsID=210481&Lang=tc

12-19 石班瑜當星爺20年御用聲優 幫腔《爽報》...

08-30 周星馳蟄伏６年　靠路人甲引爆喜感　...