被封為「冷面笑匠」的許冠文（Michael），早前接受本報專訪，
大談同被封為一代笑匠的周星馳，以及拍笑片出位的鄭中基，
Michael指周星馳拍戲，已成功地突破過去模式，繼續下去會達到一個他都不能達到的境界，
而鄭中基則不能墨守成規，老靠肢體表情引人發笑，否則好易玩完。為愛女吊威死撐

堪稱娛圈搞笑片始祖的許冠文，七、八十年代拍了多部膾炙人口的作品，
被影壇封為「冷面笑匠」，雖已有一段時間沒有在銀幕上出現，
但他仍有留意現今影壇狀況，對於同被封為笑匠的周星馳，
許冠文讚不絕口，他表示：
「佢《少林足球》好成功，能夠將功夫同足球放埋一齊，題材好新鮮，
亦衝出佢舊時框框，再咁落去，佢會去到一個我都去唔到境界；
（咁你點睇憑搞笑片出位鄭中基？）鄭中基係一個好有天分演員，
但靠肢體動作搞笑，始終唔能夠長久，好劇本最重要。」

許冠文已有一段時間沒有拍戲，令人誤會他已「榮休」，
怎料，最近卻在六十二歲之齡復出，接拍電影《煎釀寶》，
笑談箇中原因，Michael透露：「其實一路都好多劇本搵過我，
但題材始終擺脫唔到我過去模式，但馬偉豪呢個劇本就唔同，
係講父女情，呢個題材我以前未拍過，而個角色又同我真實一樣，
我係一個好緊張女兒爸爸，所以，就接拍。」

提起父女情，Michael即流露出慈父一面，笑談曾為女兒「死撐」拍戲，
他謂：
「我拍咁多年戲，從未試過吊威，點知畀導演馬偉豪倒，
套戲入面要吊威，仲吊到去四層樓咁高，當時我真係驚得好緊要，
但因為囡囡探班，惟有死頂無表現出，費事嚇親佢。」

2004-7-19 東方日報
http://orientaldaily.com.hk/