周星馳年少時原來最喜歡到慈雲山及太古城一帶流連，
更猶如街頭霸王，在街上玩自由搏擊，或扮李小龍拍 8米厘。
近日，有讀者提供了一張當年星爺街頭歲月的照片給凌零發，
星爺緬懷過去之餘，更痛惜珍貴舊照片大多已經遺失。本報「ClickClick情報科」日前接獲讀者Hazel Wu報料，
指她父親20多年前與周星馳認識，
Hazel並提供了一張她父親與星爺及兩名友人的陳年合照，
以及一張她父親拿著舊照片拍攝的照片，以證明她父親當年確認識星爺。

相片中的星爺蹺起雙手與友人合照，樣子如街頭霸王般神氣，
不過，凌零發事後跟Hazel的父親胡先生電話傾談時，
胡先生卻拒絕透露自己是照片中哪一位，

只說：「我中三、四o個年透過朋友認識周星馳，
當年我o地經常走去太古城同以前慈雲山石礦場玩，學人打自由搏擊，
又拍o下8米厘，當年周星馳已經好鍾意扮李小龍打功夫，
佢o個陣時係受其中一個朋友影響迷上李小龍。
我o地都friend過幾年o架，不過，
自從佢做《430穿梭機》出o左名之後，大家就再冇聯絡。」

凌零發昨日致電星爺，談到他未入行前經常到慈雲山石礦場玩自由搏擊，
星爺直認不諱，再問他是否經常拍 8米厘扮李小龍，
星爺說：「呢個我都有印象。」
不過一提到他當年追女仔追到俾人打，
星爺即笑說：「咁呢個我就冇印象。」
星爺對於陳年照曝光顯得極感興趣，
還反問凌零發說：「o個個人係咪寄埋以前o的相畀你？
可唔可以畀我睇睇，我以前好多舊相都冇晒。」



~ 香港蘋果日報 2006-9-26 ~