周星馳20日晚為林子聰（肥仔聰）擺下豪華潮州宴，
慶祝對方以《得閒飲茶》入圍烏甸尼斯電影節，
星爺豪氣的點了一大盤粗如公仔麵般的魚翅，
並提議魚翅撈飯，一席潮州夜宴盛惠八千大元！林子聰憑著電影《得閒飲茶》入圍烏甸尼斯電影節，
一手發掘肥仔聰加入影壇的星爺，當然十分高興，
20日晚設下潮州夜宴慶祝一番，
田啟文、谷德昭、元秋、陳國坤以及一班工作人員都有到賀肥仔聰，
星爺更帶備三支紅酒，兩支送給秋姐，另一支則即席飲用。



星爺點的第一道菜餚便是一大盆魚翅，12人食14人的分量，
條條魚翅粗如公仔麵，認真識飲識食！
此外，還有巨型凍蟹、潮州海上鮮等，菜式十分豐富。

星爺笑言平時都有請肥仔聰食飯，
他笑說：「我成日都請佢食飯，每隔一個禮拜就請一次，
不過，今次有意思，祝佢大展鴻圖，愈賺愈多啦。」

肥仔聰亦十分高興的說：「其實之前都講好，若果我做導演，
部戲首映完之後請食飯，點知而家套戲仲入埋烏甸尼斯電影節，
真係好開心！（星爺有冇講咩呀？）佢好似老竇同仔講咁，
叫我再進步，話我未夠成熟喎！佢仲教我去烏甸尼斯時候，記
得買紅酒同埋行威尼斯。（有傳星爺開戲畀你拍喎？）都係提過，
想拍男人奮鬥故事，但佢唔會演，佢咁貴，我點請得起呀！」

世界新聞網 2006-03-22